Etxabarriko bidea egiteko lanei bigarren aukera bat emango diete

Goitzarri auzoko Etxebarri baserrira bidea egiteko lanak lehiaketara aterako ditu berriro Udalak, baldintzak berritu ondoren. Izan ere, deialdia egin zuen, baina hutsik geratu zen.

Baserriaren jabe Asier Ugartek dioskunez, baldintza ekonomikoak 2005eko aurrekontuaren arabera eginda zeuden, eta gaur egun, galerak ekarriko zizkion lanak egingo zituen enpresari. Beste eragozpen bat zen bidea nahiko motza izango zela –300 metro–, eta lanen kostua handia litzatekeela. Hain zuzen, 72.000 bat euroko aurrekontua zuten, eta orain, seguruenik, 96.000 bat eurokoa izango dute.

Argindarra ere bai

Gaur egun, Etxabarrira joateko lurrezko pista estu bat bakarrik dago. Asmoa da obra bakarrarekin argindarra ere sartzea.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.