Eskoriatzatik Lukurako autobidea zabaltzeak lasaitasuna ekarri du Leintz Gatzagara. BIDEO-INKESTA

AP1 autobidearen Eskoriatza eta Luku arteko errepide zatia zabaldu zutenetik, askoz ibilgailu gutxiago pasatzen dira Gatzagatik. Bertako bizilagunek horrelaxe diote, lehen goizeko seiretan hasi eta eguna bukatu arte etengabea zela autoen jarioa, orain, aldiz, askoz gutxiago pasatzen direla.

Eta lasaitasun hori asko eskertzen dute gatzagarrek: zarata gutxiago, ibilgailuen joan-etorri txikiagoa, eta batez ere, herritik bertatik eta baserri bideetatik errepidera ateratzeko orduan segurtasun handiagoa ikusten dutelako orain.

Turismoari kalterik ez

Hala ere, turismoari eragin dakioken kaltea ez dela hain handia izango uste dute Gatzagako ostalariek. Euren esanetan Gatzagara doan jendeak badaki nora doan eta berdin dio betiko errepide zaharretik joatea. Bestalde, udan Landara jende asko joaten da Debagoienetik, eta horiek herritik pasa behar dute. Gatz museoko arduradunak ere ez du uste autobideak kalte handirik egingo dionik turismo kopuruari.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.