Erakusketa eta umeendako ikuskizuna

Emaus fundazioak antolatutako erakusketa ekarri du Udalak kultura etxera eta ikusgai izango da aste bukaeran: Formularik iraunkor eta solidarioena:+3Rs=- CO2. Ehun hondakinekin, hau da, arropa, oinetako eta antzeko hondakinekin zer gertatzen den jakinaraziko diete herritarrei panelen bitartez.

Arroparen kudeaketa nola egiten den ezagutarazteko asmoarekin sortu da Formularik iraunkor eta solidarioena kanpaina. Azalpenak emateaz gain, hausnarketarako bidea zabaldu gura dute erakusketarekin, arropen bizi-zikloa luzeagoa izan dadin.
Emaus fundazioak sortutako Sin Desperdicio marka solidarioko materiala egongo da ikusgai eta erakutsiko dute edukiontzi zurira botatako arropa eta oinetakoekin zer egiten duten Arrasaten jarritako tailerrean.

Xurdin ipotxaren ikuskizuna

Bestalde, umeek Xurdin ipotx urdinaren gorabeherekin ondo pasatzeko aukera izango dute bihar, zapatua,  (17:00), San Migel plazan. Antzerkia, kantuak, dantzak eta jolasak eskainiko dizkiete Xurdinek eta haren lagunek 3 eta 10 urte arteko neska-mutikoei ordubete iraungo duen emanaldian.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.