Gatzagako Sorginak emakume elkarteak Emakumearen Nazioarteko Eguna ospatzeko bazkaria egiteko ohitura dauka. Gainera, bazkalostean, isuskiak banatzen dituzte sorginen artean. Iaz Elosuko emakumeak ezagutu zituzten Gure Ametsa jatetxean –jangela berean egon ziren–, eta gustura egon zirenez elkarrekin aurten batera ospatzea erabaki dute. Bazkalostea girotzeko trikitilariak izango dituzte lagun, eta jolasak ere gertatu dituzte gatzagarrek ondo pasatzeko asmoarekin.
Ohiturari jarraituz Gure Ametsa jatetxean elkartuko dira herriko emakumeak zapatuan, hilak 10, bazkaltzeko. Iaz ezagutu zituzten Arabako Elosuko emakumeak izango dituzte lagun, eta ospakizunerako ilusio handiarekin daude.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak