Euskal Herriko txirrindulari batzorde baten interesa piztu du urteurrenak, eta Udalarekin harremanetan jartzeko lehen ahalegina egin zuen orain dela aste batzuk. Udalak jakin du Bizkaiko abade bat dabilela zerbait egin guran: "Ez dakigu zein den, baina txirrindulari izandako baten batekin harremana daukala esan digute. Gatzagan mezak esaten dituen Arantzazuko fraidearekin egon omen da, eta orain geuk joko dugu berarengana", argitu digu Eusebio Villar alkateak. Eta gaineratu du: "Jakinarazi digute ekitaldi apala egin gurako luketela, meza esan eta beste zertxobait. Edozer gauza eginda ere xehetasun gehiago jakin gura ditugu, zeintzuk etorriko diren esaterako".
Urteurrenaren kontua Dorletako Ama Txirrindulari Batzordearen eskuetan utzi gura du Udalak. Hala, bi batzordeak kontaktuan jarriko dituzte, eta ekitaldiak euren artean adostu. Hori bai, Udala gertu dago antolatuko diren ekitaldietan laguntzeko.