Elkarrekin ospatu dute gatzagar eta otxandioarrek Dorletako Amaren eguna

Egun handia ospatu dute gaur Leintz Gatzagako jaietan, Dorletako amaren eguna. Eta urteroko gonbidatuekin ospatu dute gainera. Gaur ere, eguraldi ederra lagun, oinez egin du otxandioar askok euren herritik Leintz Gatzagara arteko bidea. Meza entzun eta lagun giro ederrean ibili dira gatzagar eta otxandioarrak.

Eusebio villar alkateak eman du abisua. Otxandioarrak ari ziren Gatzagara iristen, azken aldapetan gora. Goizeko zortziak aldera irtenda, urteroko ohiturari jarraituz gaur ere Otxandioko herritar askok egin dute oinez handik Dorletako santutegirako bidea, ama birginaren eguna gatzagarrekin batera ospatzeko. Jende nagusia, eta baita neska mutikoak ere, ehun inguru, usadio zaharra galdu ez dadin. Denak ez dira, dena den, oinez etorri, izan da autobusez eta autoz etorri denik ere. Eta noski, gatzagar eta otxandioarrekin batera bailarako beste herri batzuetako jendea ere izan da.

Indarrak batzeko hamarretakoa egin dute iritsi bezain laster, eta gero meza, Eskoriatzako parrokiako abesbatzak lagunduta.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.