Bikain joan da San Milixan eguna

San Milixan eguna ospatu dute gaur, domeka, herrian eta, ohiturari jarraituz, artisauen erakusleiho bihurtu da pilotalekua. Jostailuak, tapizak, zetazko jantziak... denetarik egon da postuetan.

Jendeak ikusi, erosi eta artisau-lanen prozesua bertatik bertara ezagutzeko aprobetxatu du goiza; beira puztuaren erakustaldiak, esaterako, askoren begirada erakarri du. Gaztaina erreek eta Sorginak emakumeen elkartekoek prestatutako taloek ere arrakasta izan dute.

Eguraldi eskasak ez du jendea atzeratu eta batutako jendetzak antolatzaileen aurreikuspenak gainditu ditu; aparkatutako autoak Dorletaraino iritsi dira ia.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.