Posturako eskatutako baldintza guztiak betetzen zituen Belokik eta udalbatzak ez zuen zalantzarik izan izendatzeko orduan. Bake epailearen ordezkoaren postua, ostera, hutsik geratu da.
Eginbeharrak
Astean behin joateko ohitura du Belokik udaletxera dagozkion lanak betetzera –egubakoitzetan–, baina ez dauka ordutegi zehatzik. Horregatik berarekin egon beharra izanez gero hitzordua aurrez egin behar dute herritarrek udaletxera deituta.
Erregistro zibilari dagozkion kontuak bideratzen ditu batez ere: jaiotzak, ezkontzak, liburuetan inskripzioak… Eta bitartekari lanak ere egiten ditu, epaitegietatik gatzagarrendako datozen deialdiak bideratu, esaterako. Lau urterako hartu du kargua Belokik.