Lasterketak zituen 115 kilometroak egiteko, 2:42:49 segundu erabili zituen. Denbora berberarekin, haren taldekide Oscar Puyol sailkatu zen bigarren tokian. Azkenik, podiumeko hirugarren tokia Cafes Baque taldeko Ismael Estebanek bete zuen.
Halaber, mendiko saria Ugaitz Artolak irabazi zuen, eta taldekako sailkapeneko saria, Azpitu Ugartek.
Irteera, Gatzagako plazan
Gatzagako plazan kokatuta zegoen helmugatik, 95 txirrindulari abiatu ziren. Edozelan ere, helmugara, 48 bakarrik iritsi ziren. Dorletako Ama proba ekainean egiten denetik, parte-hartzaile kopuruak gora egin du: 2005ean, 28 txirrindulari lehiatu ziren; iaz, 90; eta atzo, 95.
Txirrindulariek Bergara aldera hartu zuten. Lehenengo itzuli hartan, taldetxo batek aurrera egin zuen. Bada, bigarren itzulirako, txirrindulari askok lasterketa utzi egin zuten. Hortaz, proban jarraitzen zutenek bat egiten zuten berriro ere.
Azken metroak Gatzaga erdigunetik egin ziren. Hala, bertan zeuden zaleen animuekin, Ugaitz Artolak Oscar Puyoli aurrea hartu zion azken metroetan.
Antolatzaileak pozik agertu ziren, txirrindulariek eta zaleek emandako erantzunarekin.