Auzo egurra eskuratzeko izenematea urriaren 13an itxiko dute

Baso publikoetako egurra gura duenak udaletxean eman behar du izena eguaztenerako, hilak 13. Izena emandakoen artean zozketa egingo dute gero, zein gunetako lotea hartu erabakitzeko. Zozketaren data zehaztu barik daukate, baina interesatuei aurrez jakinaraziko diete bertan egon daitezen.

Aspaldiko ohitura da Gatzagako baso publikoetan dagoen egurra herritarren artean banatzea, nahiz eta azken urteotan nabarmen egin behera eskaerak. Horretarako gutxienez urtebetez herrian erroldatuta egon behar dute eskatzaileek eta jasoko duten egurra derrigorrez herrian bertan erabiltzeko izango da.

Aldundiko basozainek erabakitzen dute urtero basoko zein gunetako egurra har dezaketen eskatzaileek, loteak esaten diete horiei. Izena emandako eskatzaile kopuruaren arabera egiten dituzte loteak eta zozketa bidez izendatu gero. Behin lotea emandakoan eskatzaile bakoitzak bota, txikitu, jaso eta ekarri behar du basotik egur hori.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.