Autoen zerga eta egurra ez igotzea onartu du Udalak

Eguenean, hilak 25, egindako ezohiko osoko bilkuran onartu zituzten datorren urteko Udal tasa eta zergen igoerak. Zaborra %14 igoko dute, Sasietako Mankomunitateak garestitu egin duelako zerbitzua. Ura, argindarra eta potentzia handiko automobilen zerga KPI igoko dituzte, eta %2,7 izatea erabaki zuten.

Zerga batzuk ez dituzte igoko: egurra eta automobil txikien zerga. Horren arrazoia eman digu Eusebio Villar alkateak: "Gatzagan, guztiok behar dugu auto txiki bat, garraio publikoa eskasa delako". Egurrari dagokionean, azaldu digu gero eta herritar gutxiagok erosten duela, eta prezioa mantentzea erabaki dutela. Udalak bakanketak egin behar ditu basoan, eta gero, egur horri irtenbidea eman behar dio.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.