Gatzagain inguruko bide sarrerak konpondu zituzten lehenengo, ikuspen handiagoa izateko sartu-irtenetan. Olaun Goikora doana egokitu zuten gero eta Arratekoa hirugarren. Hemen, gainera, horma dezentea egin dute harri handiekin. Bertako lurra biguna dela jakinarazi digu alkateak eta eusteko derrigorrez behar zuela halako horma. Lehen ur depositura joan behar zuten automobilek buelta eman eta Arrateko bidera sartzeko; izan ere, zuzenean sartu gura izanez gero maniobra egin beharra zegoen eta oso arriskutsua zen hori. Orain zuzenean sartu ahal izango dute era seguruan. Asfaltoa botatzea geratzen da hemen, baina Asteisolokoarekin batera egingo dute hori.