Gaur hasiko dituzte Gatzagan Emakumeen Nazioarteko Eguneko ospakizunak. Gizarte Zerbitzuak eta Sorginak emakume elkarteak antolatuta Lakrikun taldeak Greban gaude antzezlana eskainiko du kultura etxean (19:00).
Sorginen ekitaldi nagusia, baina, bihar izango da, urtero legez bazkaria egingo dute Gure Ametsa jatetxean. Aurten, gainera, dei berezia egin dute herriko emakume guztiek parte har dezaten ospakizunean. Umore ona izango dute lagun bazkalorduan, eta bukatutakoan ohiturari jarraituz isuskiak zozketatuko dituzte; hori guztia musikak girotuta eta gura beste dantza egiteko aukera dutela. Gainera, elkartearen 22. urteurrena ospatuko dute sorginek.