San Millan parrokia alboan dagoen abadetxeko azken errentariak orain dela 14 urte joan ziren. Ordutik mantentze lan gutxi egin dizkiote eta nahiko egoera eskasean dago: hainbat lekutan pitzadura handiak ditu, aurrealdean duen arkuan esaterako, eta leihoak apurtuta dauzka. Horiek guztiak konpondu egingo dizkiote eraikinaren egoerak okerrera egin aurretik eta itxura berria hartuko du etxeak laster. Barrualdea, ostera, ez dutela ukituko jakinarazi digute lanen arduradunek.
Errentan emateko
Elizako arduradunen asmoa da errentan ematea lehen legez. Eraikin handia da –solairu baten etxebizitza eta gainean ganbara– baina barrutik ere konponketa batzuk egin beharko dizkio bizitzera doanak.