Meza esango dute Goierri auzoko ermitan San Martinen omenez (12:30) eta urtero legez mokadutxoa eskainiko die gero Udalak elkartutako guztiei.
120 kilometroko ibilbidea
San Martin egunaren bueltan Dorletako Ama txirrindulari lasterketa egin izan dute azken urteotan eta aurten 32. proba izango da. 23 urtez azpiko eta elite mailako txirrindulariek dute lasterketarako deia eta iazko datuak kontuan hartuz gero ehun kirolari baino gehiago elkartuko dira hasiera puntuan (10:00).
Guztira 120 kilometroko ibilbidea izango dute aurrez aurre. Hiru buelta egingo dituzte Arrasateko autobideko sarrerako biribilguneraino eta hiru bider igo beharko dute Gatzagako mendatea, mendiko sarirako puntuagarria izango dena. Bigarren aldiz igotzen dutenean, 11:55ak inguruan, herritik pasatuko dira eta sari berezia izango du lehenengoak. Eta hirugarren aldiz igotzerakoan bukatuko dute lasterketa, Txirrindulari Batzordeko kideen esanetan 12:47 inguruan.