Eusebio Villar alkateak lehenbailehen onartu gura du 2008ko aurrekontua, baina aurrez gertatu egin behar: "Aurrekontua onartu barik inbertsiorik ezin dugu egin, eta ez ohiko osoko bilkura deituko dugu martxoan lehenbailehen onartzeko".
Eguazteneko osoko bilkuran hauteskunde-mahaian egon beharko duten herritarrak hautatu zituzten zozketa bidez –hiru titular eta beste sei ordezkoak–. Egunotan jasoko dute deialdia hautatutakoek, eta ondoren erreklamazioak egiteko epea izango dute, hilaren 23 arte.
Bestalde, abal bi itzultzea onartu zuten eguaztenean. Soran jauregia erosterakoan jarri zituzten abalok, eta lanak aurrera doazela ikusita –teilatua egiten bukatu dute– aurrez jarritako dirua itzultzea erabaki zuen Udalak.