Behin markesinak jarrita -lanak hasita daude-, horren ostean autobusak etorri beharko duela dio Garraio batzordeak. Gautxoria ere gero eta hurrago dago, Pesarekin lotu nahian dabilelako Aldundia; hortaz, hartutako bidea begi onez ikusi du batzordeak. Eman beharreko hurrengo pausoei jarraipena egingo diete batzordeko kideek, eta Aldundiari beste idatzi bat bidaliko diote hainbat kontu zehazteko. Era berean, esan gura diete Aldundiko kideei Debagoienean egingo diren hurrengo proiektuetan, tranbia esaterako, kontuan hartzeko Gatzaga.
Eskerrak herritarrei
Bukatzeko, herritarrei eskerrak eman gura dizkiete Garraio batzordeko kideek, egindako deiei -osoko bilkurara joateko eta sinadurak batzeko- gogoz erantzun dietelako.