Joan den urtekoarekin alderatuta, apur bat luzeagoa egingo dute aurtengo ibilbidea (5 kilometro inguru). Domekan, 10:00etan hasiko dute mendiko bizikleta irteera. Izena eman ahal izateko, nahikoa izango da ordu erdi lehenago plazan egotea.contributors:
Eta ez izena emateko bakarrik, bizikleta martxa hasi aurretik apur bat berotzea ere komeni da-eta; gainera, hasierako kilometroak aldapa gorakoak izango dira. Irteeran esku hartzeko nagusiek 10 euro ordaindu beharko dituzte, eta gazteek 6 euro.
Parte-hartzaileendako kamisetak, Landan egingo duten hamaiketakoa, proba eta geroko luntxa, hainbat produkturen zozketa... Hori guztia eta gehiago egongo da domekan Gatzagan. Gainera, badirudi eguraldiak lagundu egin behar duela.
ALBISTEAK MUGIKORREAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.