Alberto Altube da datorren urteko Euskal Bizikleta Leintz Gatzagara ekartzeko lanean ibili den herritarretako bat. Gaitzena egin dute, baina orain, babesle bila hasi behar, 30.000 euro behar dituzte-eta.
Horrekin batera, antolatzaileek uste dute lasterketa egunerako lortu behar dutela Dorletako Santutegia eta Arlabango errepidea lotzen dituen pista asfaltatzea. Alkatearekin izan gara, eta Joxerrak pausoz pauso joan gura du, lehenengo pista egin behar dutela esan digu.
Horrekin batera, Albertok herritarrak animatu gura ditu, lasterketaren egunean laguntzeko gertu egoteko. Horretarako, baina, oraindik gura beste denbora dago.