Aurreko astean Gatzagako guraso elkarteak, GURELek, bilera egin. Elkarteko batzarkideak aldatzea egokitu zitzaien azken bilera horretan. Hala, batzordekide berria sartu da Gatzagako guraso elkartean; Eneka Zankadaren ordezko kidea Edu Arana izango da elkartean. Bestalde, Itsaso Eginok idazkari lanak egingo ditu Ana Esnalen ordez.
Bi urtean behin egiten dute hori. Iaz esaterako, lehendakaria eta batzordekide bat aldatu zituzten GUREL elkartean. Ordutik Txema Fernandezek lehendakari lanetan dihardu; Maite Etxebarriak, aldiz, batzordekide lanetan.
Bestalde, aurtengo neguan hainbat ekimen egiteko asmoa berretsi zuten iragan astean. Urteroko ohiturari jarraituz, Gabonetan jaiotza jarriko dute, eta iaz egin bezala bidaiaren bat egiteko asmoa dutela adierazi zuten, besteak beste.