Guraso elkarteak antolatuta, Iruñera

Gurelek antolatuta, herriko 34 lagun Iruñea aldera joango dira urriaren 23an, zapatua. Goizean irten, hiria eta inguruak ikusi, eta iluntzean itzuliko dira Gatzagara.

Gurelek –Gatzagako guraso elkartea–, txangoa antolatu du. Iruñera joango dira zapatuan, hilak 23. 09:30ean autobusa hartu eta Nafarroako hiriburua ezagutzera abiatuko dira guraso eta seme-alabak. Guztira 34 lagunek egingo dute egun bateko bidaia.

“Lehenengo geltokia Iruñeko Planetariumean egingo dugu”, eman du aditzera Ana Esnal Gureleko kideak. “Unibertsoari buruzko ezagutza” handitzeko baliagarri izango zaie bisita Gatzagako lagunei.

“Ondoren, Iruñera joango gara eta hirian zehar bi ordu eta erdiko bisita gidatua egingo dugu”, adierazi du Anak. Horretarako, gidari bat kontratatu dute, informazio zehatz eta osatuagoa lortzeko asmotan. Iluntzean itzuliko dira herrira.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.