Egubakoitzean irten ziren Gatzagatik 14 gazte eta 14 heldu Karrantza aldera. Turtzioz herrira joan ziren, eta bertako Armañon aterpetxean hartu zuten ostatu.
Mendi ibilaldia egiteko aprobetxatu zuten asteburuko giro bikaina. Horrela, inguruetako kobazuloak bisitatu zituzten, eta asteburuko beroa ikusita, ziur fresko-fresko egon zirela bertan. Ondoren, El Karpineko Dinosauro Animatronikoen Parkera joan ziren. Bertan, milaka urtean Lurraren jaun eta jabe ziren animaliak ikusi zituzten, benetako eskalan eginak.
Ekaineko lehen asteburuko beroari aurre egiteko, toailak hartu, eguzkitako krema eman eta Oriñongo hondartzara joan ziren. Hondarrarekin eta olatuekin jolastu eta eguzkitan etzan eta atseden hartzeko astia izan zuten.