Errigora egitasmoak Nafarroa hegoaldeko eta erdialdeko euskalgintza sustatzea du helburu. Horretarako, Nafarroako produktuz osatutako saskiak eskaintzen ditu, eta horien balioaren %25 bertako euskalgintzara bideratzen du, auzolanari esker.
Sustraitik espaziora kanpainaren barruan, urriaren 22tik azaroaren 12ra bitartean eskatu ahal izango dira saskiak. Eskaera egin nahi duten herritarrek www.errigora.eus webgunearen bidez egin beharko dute. Otarreak Eskoriatzan bertan jaso ahal izango dira, Udalaren lokal batean, eta banaketa-arduraduna eskatzaile guztiekin harremanetan jarriko da ordua eta eguna zehazteko.