Bolibar elizateko jaiak ospatzen ari dira asteburu honetan Eskoriatzan, eta gaurko eguna "giro ederrean" ospatzen ari direla adierazi du auzo-alkate Aitzane Izurrategik. 120 pertsona inguru izan dira auzo-bazkarian, eta, Imanol Intxausti eta Iñaki Larrañaga trikitilariaek dantzan jarri dituzte auzotarrak bazkalostean. Jarraian, txapel jaurtiketa txapelketa egin dute.
Atzo, egubakoitza, hasi ziren Bolibar elizateko jaiak umeen pelota txapelketarekin eta Maria Vaquerizoren kontzertuarekin. Gaur, zapatua, da jaietako egun potoloa, eta egun guztiko egitarauaz gozatzen ari dira auzotarrak. Izurrategik adierazi duenez, oraingoz gutxienez, "jai borobilak" izaten ari dira aurtengoak: "Eguraldia lagun izan dugu, eta herri erdigunetik ere jende mordoa etorri da; auzotarrok oso pozik gaude".
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.