Urriaren 1ean hasiko dira saio gidatuak, eta jarduerak bi multzotan banatuko dira: lehorreko ekintzak –pilatesa, zumba, body tonoa eta barruko txirrindularitza, besteak beste– eta uretako ekintzak –aquagyma, helduen igeriketa eta adin askotariko haurrei zuzendutako igeriketa saioak, besteak beste–.
Eskoriatzako Udalak jakinarazi duenez, "kirol jardueraren baten lekua gordetzeko beharrezkoa da izen-emate orria behar bezala beteta eta sinatuta aurkeztea; mezu elektroniko bidez ere bidali daiteke". Gaineratu du "bi ikastaro edo gehiago eginez gero –gutxienez batek bi egunekoa izan behar du–, jarduera merkeena erdi prezioan" kobratuko dela.
Irailaren 18ra arte zabalik
Irailaren 18ra arte egongo da horretarako aukera, eta 943 71 53 28 telefono zenbakira deituta edo eskaera orria kiroldegia@eskoriatza.eus helbide elektronikora bidalita egin daiteke.