Ginka Biloba talde arrasatearrak kontzertua eman du Inkernu taberna kanpoaldean, aurtengo Errekan Gora jaialdiaren egitaraua aurkezteko. Irailaren 18tik 20ra bitartean, hainbat musika estilotako taldeek hartuko dituzte Eskoriatzako plaza eta Inkernu ingurua, tartean izango dira: Arene 6, Maniaks, Orei eta Testarudes besteak beste.
Inkernu taberna ingurua jendez bete da zapatu arratsaldean, Errekan Gora jaialdiaren aurkezpenaren harira Arrasateko Ginka Biloba taldearen emanaldian. Giro ederrean aritu dira taldekideak, eta hainbat kantu eta bertsioz gozatzeko aukera izan dute bertaratutakoek. Besteak beste, Traidore abestia entzun ahal izan da, bideoan ikusi daitekeena.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.