Gorosarrik aurten 60 urte bete dituela kontuan hartuta, eurak aukeratu dituzte jaiak abiaraz ditzaten. Gorosarriko kide Dorleta Ezeizak dio "poz handiz" hartu dutela ekitaldian parte-hartzeko aukera.
Pregoia dagoeneko idatzita dutela adierazi du Ezeizak, "motza eta denok ulertzeko modukoa". Bestalde, unea aldarrikapenerako ere baliatuko dutela aurreratu du. Haren hitzetan, "Eskoriatzako udaletxeko balkoian zazpi emakume egoteak berez bihurtzen du espazio hori aldarrikapenerako gune".
Herritarrak festara batzeko deia egin du Ezeizak: “herritarrei urteurreneko zapi, sudadera edo kamisetekin kalera ateratzeko gonbita egiten diegu, Gorosarri denok garelako”.