18:00etan oraindik itxita jarraitzen zuen autobideak eta suhiltzaileek bertan jarraitzen zuten.
Baso Suteetarako Larrialdi Plana abian
Hain zuzen gaur, ekainak 23, Euskadiko Baso Suteetarako Larrialdi Planaren larrialdi-faseko 1. egoera ezarri du Segurtasun Sailak. Bero-boladaren ondorioz baso-suteak izateko arrisku handia dagoelako eta eskura dauden baliabideak kudeatzeko ezarri du. Hala izanik, planaren ardura foru-agintaritzei dagokie, eta haien jarduna baso-suteetarako foru-planen bidez koordinatuta egongo da.
Halaber, Eusko Jaurlaritzak eskatu die herritarrei arreta handiz jokatzeko eta suteak eragin ditzakeen edozein jarduera saihesteko, batez ere landa-eremuetan, basoetan edo landaredi lehorretik gertu. Halako inguruetan suak piztea ekiditeko ere gomendatu du Larrialdiei Aurre Egiteko eta Meteorologiako Zuzendaritzak.