San Fermin txapelketarako partida puntuagarria zegoen gaur jokoan, Eskoriatzan, eta bi bikoteek erakustaldi ederra eman dute pilotalekuan. Alize Sagardui goizuetarra eta Uxue Oses oñatiarra nagusitu dira, baina Olatz Insausti antzuolarra eta Nora Mendizabal andoaindarra bikain aritu dira ere.
Partida indartsu hasi dute Sagarduik eta Osesek, eta markagailuan aldea lortu dute. Insausti antzuolarrak urduri hasi du partidua, baina apurka, kantxan bere maila bilatu du, eta gogor sakatu dute markagailuan. Azkenean puntu bakarragatik erabaki da neurketa, 21-22.
Aurretik, gazteen arteko norgehiagoka egon da, eta Balerdik eta Sorondok 18-10 irabazi diete Lizarralderi eta Alberrori.