Dagoeneko eman daiteke izena Iruten krosean parte hartzeko

Almen ikastolaren 60. urteurrena dela eta, egun osoko egitaraua antolatu dute; adibidez, Iruten krosa. Dagoeneko zabalik dago krosean parte hartzeko izen-ematea, eta herrikrosa.eus webgunean egin daiteke. Ekainaren 13an 09:30ean hasiko da lasterketa, eta 10 kilometroko ibilbidea izango du: Almenen hasi eta Eskoriatzara joango dira; handik, Lete eta Mendiola elizateetara; gero, Aretxabaletara; eta buelta Almenera. Banaka edo lau eta hamabi kidez osatutako taldeetan eman ahalko da izena. 15 urtetik gorakoentzat da, eta 18 urte bitartekoek gurasoen baimena beharko dute krosa jokatzeko.