Martxoaren 20ko Gipuzkoako Aldizkari Ofizialean argitaratu zen Eskoriatzako udalbatzak 2026ko otsailaren 26ko osoko bilkuran hartutako erabakia, museo-zerbitzu publikoari atxikitako Ibarraundi eraikina desafektatzeko espedientea onartzeari buruzkoa. Horrekin, eraikinaren kalifikazio juridikoa aldatu nahi da bere erabilera, partzialki, Eskoriatzako Beheko Errota Musika Eskolari uzteko, bere jarduerak egin ditzan.
Espedientea jendaurrean jarri da interesdunek aztertu eta egoki iritzitako alegazioak aurkezteko aukera emanez. Hala, espedientea udaletxean kontsultatu daiteke eta alegazioak jartzeko azkeneko eguna maiatzaren 7a izango da.