Eusko Jaurlaritzak erdi-askatasuneko erregimena eman dio Marixol Iparragirre ETAko buruzagi ohiari, Espetxe araudiaren 100.2 artikulua aplikatuta. Gaur, martxoaren 23an sartuko da indarrean erregimen aldaketa.
Ez da hirugarren gradu bat; erregimen honek zigorraren zati handi bat beteta duten presoentzat irteera progresiboko tarteko formula bat eskaintzen du. Presoak astelehenetik egubakoitzera irten eta lo egiteko itzuli behar du. Horretarako, betebehar plan zehatza aurkeztu behar dute, lan edo boluntariotza-lanak egingo dituztela eta horien ordutegiak beteko dituztela bermatuz.
Auzitegi Nazionaleko Fiskaltzak txostena egin beharko du orain (ez da loteslea), eta behin betiko erabakia Auzitegi Nazionaleko Espetxe Zaintzako Epaitegi Zentralak hartu beharko du.