Bestalde, Nahia Arguiz, atzo, domeka, berriro lehiatu zen Tolosan, Euskal Ligako maila absolutuko lehen fasean. Senior mailan lehen postua lortu zuen pilotako ariketan. Bigarren fasea Amurrion ospatuko da bi aste barru.
Gaztetxoak "ondo"
Bestalde, Eskoriatzako gimnastek C mailako bigarren fasean parte hartu zuten, Azpeitian. Luis Ezeiza P taldeak 45 parte-hartzailetik 5. postua lortu zuen; Almen Arizmendi taldeak 16.a eta Luis Ezeiza E taldeak 28.a. "Talde guztiek ariketa oso onak egin zituzten", adierazi du Nahia Arguiz entrenatzaileak. "Zorionak lehiaketan emandako mailagatik. Gainera, Luis Ezeiza P eta Almen Arizmendi taldeek Gipuzkoako Txapelketarako sailkapena lortu dute. Bi faseetako puntuak batuta, lehen 12 taldeen artean sailkatu dira eta horrela lortu dute pasea". Gipuzkoako Txapelketa Bergaran ospatuko da maiatzaren 9an.
