Solaskideen artean Eskoriatzako Berbalagunak taldeko bi kide izan ziren, – Jaqueline dos Santos eta Sara de Salterain– eta horren ondorioz, Auzoko eta Berbalagunak egitasmoetako kideak ere solasaldian izan ziren. "Atzo, Eskoriatzako bi berbalagunek unibertsitateko mahai inguruan parte hartu zuten: Euskara eta kulturartekotasuna. Auzokotik ere bertara gerturatu ginen, eta oso interesgarria izan zen! Argi gelditu da naiz eta atzerritar jatorria eduki, posible dela euskara ikastea!", azaldu du Nerea Zugastik, Eskoriatzako Auzoko eta Berbalagunak egitasmoetako dinamizatzaileak.