Lehena nazio elkarrizketa izan zen. Hau da, herriko jende esanguratsuarekin edo erreferentziazkoekin eta eragileekin harremanetan jartzea.
Ekimen soziala urteurrenean
Bigarrena dinamika politiko-soziala nola bultzatuko den aztertzea izan zen, memoria bizia mantentzeko, eta gogorarazteko 90 urte betetzen direla kolpe frankista izan zela eta, beraz, faxistek Eskoriatza okupatu zutela. Ekimen soziala egingo dute, gai hori ardatz, errepresio frankistak zer ekarri zuen herriarentzat aztertzeko, eta baita eragin hori gaurkotasunean nola nabaritzen den ikusteko.
Hirugarren lana, berriz, orain dela hiru urte martxan jarri zen etxebizitzen gaia jarraitzea dela azpimarratu zuten. Etxebizitza diagnostikoa egin zen gazteen artean, eta hainbat proiekturen azterketa egiteko bideak ematea aurreikusi dute. Fase horretan daudela nabarmenduz, lanean eta erantzukizunez jarraitzeaz jardun zuten. Aukerak mahai gainean jarri behar direla eta inplikazioa beharrezkoa dela nabarmendu zuten.