Gaur, zapatua, Aratusteetako egun nagusia izan da Eskoriatzan, baina eguraldiak ez du lagundu eta euri zaparrada etengabeak baldintzatu du eguerdiko mozorro desfilea. Lehiaketa-desfilea, aurreikusitakoa baino motzagoa eta azkarragoa izan da ibilbidea, parte-hartzaileek eta antolatzaileek euritik babesteko ahaleginean. Hala ere, umore ona eta jai giroa ez dira falta izan.
Goizean zehar zerua ilun agertu da, eta iragarpenak bete egin dira; euria gogotik egin du, une batzuetan zaparrada mardulekin. Hala ere, hainbat herritar animatu dira mozorroa jantzita kalera irtetera, eta kolorez bete dituzte kaleak, nahiz eta aterkiak eta txubaskeroak ere protagonista izan diren. Eguerdiko desfilearen ondoren, herri bazkaria egin dute, eta ia 600 lagun elkartu dira mahaiaren bueltan.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.