Atzo, astelehena, egin zuten dantzen azken entsegu orokorra 2008an jaiotako eskoriatzarrek txistulariekin lagunduta. Urtarrilean guztira lau entsegu eginda, eta, azken bi astelehenetako entsegu orokorrekin, prest daude eguenean herritarren aurrean dantza egiteko. Guztira, 35 neska-mutiko arituko dira dantzan, eta, prest dute egunotarako egitaraua.
Eguaztenean, otsailak 4an, Eskoriatzako elizateetan arituko dira kantu-eskean, egun osoz; eguenean, Santa Ageda egunean, berriz, Eskoriatzako kaleetan zehar eta ikastetxeetan arituko dira, eta, iluntzean, 19:00etan, dantza egingo dute, Fernando Eskoriatza plazan. Zapatuan, berriz, Kinttaden Egunean murgilduko dira, eta, domekan, berriz egingo dute dantza eskoriatzarren aurrean, 19:00etan, Fernando Eskoriatza plazan.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.