Sare sozialetan iragarri dutenez, aurten Joseba Iñurrategi frontoian egingo da bazkaria, eta izen-emateak martxan daude. "Iaz izandako jarrera desegokiengatik, aurten aldaketa batzuk egongo dira. Iaz ez zen inongo errespeturik izan bertako langile zein instalazioekiko; beraz, azken aukera eman digute, eta bazkaria frontoian egingo da. Edukiera 360 lagunekoa da. Bestetik, fidantza jarri beharko da".
Fidantza ezinbestekoa
Fidantza zenbatekoa izango den zehazteko da, eta,ezinbestekoa izango da fidantza ordaintzea bazkarira joateko. "Ez baldin bada inongo kalterik sortzen fidantza bueltatuko da. Aldiz, kalteren bat gertatuz gero ez da itzuliko; Errudunak zeintzuk dien jakinez gero eurek ordainduko dute eta errudunak ez badira agertzen danok ordaindu beharko dugu".
Iazko menua berdina
Kintaden bazkarirako zerrendak osatzen hasi dira Whatsapp talde batean, eta, horietan ez daudenak euren kontura egin beharko dute bazkaria. Kasu honetan, aurtengo menua iazko berdina izango da. Menua eta garbiketak 27 euroko prezioa izango du (+fidantza)
Menua: Iberikoak, Entsalada, Baserriko oilaskoa parrilan, Saiheskiak parrilan eta limoizko sorbetea; Ogia, edaria ea kafea. Gainera, txotx-a egongo da.
Urtarrilaren 23rako zerrenda itxita
Urtarrilak 23 aurretik jakinarazi beharko da kintada bakoitzetik zenbat pertsona batuko diren bazkarira –360 lagunetik gorak izena ematen badute zozketa egingo da–. Horrez gain, zeliako edo begetariano/beganoren bat baldin badago, zerrendetan jakinaraztea komeni dela azaldu dute Itzartutik.