Fagor Ederlanek eta Duoli Technologyk "urrats berri bat" eman dute Lieder Automotive SL enpresaren eraketan duten aliantza estrategikoan. Lieder Automotive-ek ibilgailuen egiturazko osagaiak hornituko ditu Leapmotor auto markaren SUV elektriko berriarentzat: B10 eredua. Figueruelaseko (Zaragoza) lantegian egingo da, eta 2026ko abuzturako hasiko da hitzartu den hornikuntza. Ohar bidez jakinarazi dutenez, proiektu horri esker, Fagor Ederlanek Borjan (Zaragoza) duen ekoizpen lantegia berriro irekiko da, "industria jarduera berri bati ateak irekiz eta eskualdean 170 lanpostu baino gehiago sortuz". Horrez gain, hitzarmen honek Fagor Ederlanentzat suposatzen du "Europara bezero txinatar berriak gerturatzea eta automobilgintzarako osagaiak muntatzeko negozioa berrabiaraztea; kooperatibak 1998 eta 2019 artean garatu zuen jarduera hau, Borjan, hain zuzen ere".
Zuazok nabarmendu du proiektu berri hau "bat datorrela Fagor Ederlanek berrikuntzan, balioa sortzean eta lankidetzan oinarrituta duen estrategiarekin”. "Bezero txinatarrengana gerturatzeko aukera ematen digu, eta elektrifikazioak eta iraunkortasunak markatutako sektorearen eraldaketara egokitzea bultzatzen du", gaineratu zuen.