Ekitaldia abenduaren 18an —eguena— izango da, 18:30ean, Mondragon Unibertsitatearen Eskoriatzako Campusean. Doan izango da, eta publikoari irekia da. Lujanbiok RR_6 eRRe(AH)ala ikuskizuna erakutsiko du, hizkuntza protagonistatzat duen ariketa performatikoa, hainbat sortze moduren bidez gaur egungo garaiko gaiei heltzen diena.
Maialen Lujanbiok, Euskal Herriko Bertsolari Txapelketako hiru aldiz txapeldunak, 2018ko Feministaldian egin zuen lehen aldiz ariketa performatiko hori, eta, egun, seigarren aldaeran dago. RR ikuskizunak hizkuntza du protagonista, eta, hartan, hainbat sortze-modu erabiltzen dira (poesia, bertsolaritza eta ikus-entzunezko hizkuntza) gure garaiko gaiei heltzeko.