EAJk, gainera, Intxaurtxueta auzo inguruko irisgarritasuna hobetzea, bizikletentzako aparkalekua eta puzteko eta konpontzeko puntu bat jartzea eta ibilgailu elektrikoentzako karga-puntuak jartzea proposatzen du. Horrela, "mugitzeko modu jasangarriagoak erraztuko dituen ingurune baten alde eginez", euren esanetan.
Mugikortasun jasangarriago baterantz
Eskoriatzako EAJko Josu Ezkurdiak nabarmendu duenez, "Eskoriatzak mugikortasun jasangarriago eta praktikoago baterantz egin behar du aurrera. Horrelako jarduera txikiek ahalbidetzen dute etorkizun jasangarria, eta Udalaren esku dago horiek bultzatzea. EAJk azpimarratu du kostu errealista gutxiko proposamena dela, herritar guztientzat onuragarria, ohitura arduratsuak sustatzen dituena eta herritarrak kontzientziatzen laguntzen duena".
