Ertzaintzaren esanetan 13:30ak inguruan jaso zuen dei bat SOS Deiak 112 zerbitzuak esanaz mendizale bat erori egin zela eta ezin zuela oinez jarraitu. 57 urteko mendizaleak zauriak zituen hanka batean eta beso batean.
Zaraia mendilerroan dago Arlutz eta 1.129 metro ditu. Erorikoa izandako lekura iristeko zailtasunen aurrean Ertzaintzaren Zaintza eta Erreskate Unitateko helikoptero bat bertaratu zen zauritua erreskatatzeko. Behin menditik jaitsita, anbulantzia batean eroan zuten hori Debagoieneko Ospitalera.