Egunotan egon da jokoan Boluños de Calatravan (Ciudad Real, Espainia) Europako Kenpo Txapelketa eta bertan parte hartu duten Atama Eskoriatzako lau borrokalariek lortu dute podiumera igo eta dominaren bat eskuratzea.
Hala, Kadete nesken mailan Naroa Cabezasek zilarrezko domina jantzi du Semikenpo modalitatean eta beste horrenbeste egin du Irati Izurrategik Junior nesketan, Knockdown modalitatean.
Zuhaitz Legorburuk, baten faltan, bi domina lortu ditu, biak brontzezkoak: Semikenpo -75 kg modalitatean bata eta Submission -80 kg modalitatean bestea.
Andoni Puertsaek ere brontzezko domina bat lortu du Kadete gizonezkoen mailan, Semikenpo modalitatean.
Esan, era berean, Atama Eskoriatza taldeko zuzendari Rafa Carriet ere Europako Txapelketan izan dela, Espainiako selekzioarekin teknikari gisa.