12:00etatik 14:00etara bitartean egongo dira olagarro errazioak batzen, aurrez txartelak erosi dituztenei. Errazioak hamabost eurotan egon dira salgai, asteon, Inkernun bertan, eta bihar, eguaztena da azkenengo eguna erosteko.
Olagarroa eta zuzeneko musika
"Txartelak aurrez jarri ditugu salgai hamabost eurotan, eta, eskaeraren arabera prestatuko ditugu olagarro errazioak. Bezeroekin hizketan, egunerokotasunean tabernara datozenekin, Olagarro Eguna antolatzea ondo legokeela pentsatuta, aurrera egin dugu. Olagarro egosia, gatza eta piperrautsarekin prestatuta izango da eta zuzeneko musika ere izango dugu", adierazi du Itxaso Errastik, Inkernu tabernako arduradunak.
Errastik esan moduan, olagarroa giro onean jateko, 13:30ean, Danel Sarasua musikari aretxabaletarraren emanaldi akustikoa izango da.