GayLur elkarteko sortzailea eta presidentea den Jonathan Galan eskoriatzarrak gidatu du saioa. Alboan izan ditu taldeko gainerako kideak eta baita herritarrak ere. Vazquez neba-arrebek jarri dute umore puntua, aurkezpen ekitaldian tartekatu dituzten ikuskizun txikiekin.
Ikasturte berri honetan, mendi ibilaldiak egiten segituko dute, egitasmoaren sorreran hasitakoari jarraipena emanez. Horrez gain, museoetara bisitak, jolasak eta Benidorm Fest-era eta Karpin Aventurara irteerak ere egingo dituzte, besteak beste. Jaialdiaren iazko eta aurtengo arrakasta ikusita, gelditzeko etorri da eta datorren urtean hirugarren edizioa egingo dutela aurreratu dute; baita jakitera eman ere, Leticia Sabater artistaren emanaldia egongo dela aniztasuna oinarri duen jaialdiaren hirugarren edizioan.