Duela 11 urteko irailaren 26an, Ayotzinapako (Guerrero) Escuela Normal Rural Raul Isidro Burgoseko ikasle talde batek Mexiko Hirirako bidea hartu zuen autobusean, Tlatelolcoko hilketa —militarrek eta talde paramilitar batek egindako sarraskia— gogoratzeko martxa batean parte hartzeko. Poliziak eta indar militarrek elkarrekin egindako operazio batean, ikasleak zihoazen autobusak tirokatu zituzten, eta baita ikasleak berak ere.
Gainera, futbolarien autobus bati ere eraso egin zioten, mobilizatzera zihoazen ikasleetakoa zirela pentsatuta, eta gidaria eta 14 urteko futbolari bat hil zituzten.
Orduz geroztik, desagertze horiek argitzeko ekitaldiak egiten dira mundu osoan, aldarri honekin: Bizirik eraman zituzten! Bizirik nahi ditugu!, eta Eskoriatzako EskoZap-ek ere ekitaldi ezberdinak egin izan ditu horen baitan.