Eskomotor taldeko kide Ibon Aranburuzabala epaile lanak egiten aritzeaz batera, antolakuntza lanetan ere aritu da. Bere esanetan, jendeak erantzun du, eta, erakustaldi polita geratu da. "Aurreikusi baino hobeto joan da eguna. Jendeak erantzun du, eta harrera ona izan dugu. 26 pilotu inguru etorri dira eta jendea laguntzeko prest egotea zoragarria izan a. Eguraldiak ere lagun du, eta txosna ere martxan dugu. Sari handirik ez dago eta sei urtean ostean, bailara honetan zaletasuna dagoela argi geratu da".
Toki aproposean
Zirkuitua Apotzagako lurretan egon arren, Aretxabaletatik izan du sarrera, GSR egoitza baino 100 metro aurrerago ezkerretara hartzen den porlanezko bidetik. Zirkuitua egiteko Foru Aldundiak utzi dizkie lurrak, eta antolatzaileek nabarmendu dute datorren urterako ere gustatuko litzaiekeela lur eremu horretan proba errepikatzea.
