"Azken orduan meza ordua aldatzea erabaki dugu. Izan ere, 11:30ean genuen ezarrita meza ordua, baina, abadeak aldaketa eskatu zigun, izan ere, Leintz Gatzagako Dorletako Ama XLVII. Sari nagusia, txirrindularitza proba jokatzen da, eta, errepidea itxiko dutenez, hobe horrela. Gainontzean, urteroko ildotik antolatu dugu programa, eta bazkaltzeko 45 lagun inguru batuko garela aurreikusten dugu, Leixarrapen, Maringo Elizateko Bizilagunen Elkartean", adierazi du Alberto Letona auzotarrak.
Zapatuan, 18:00etan emango diete hasiera Marin elizateko Madalena jaiei hasiera, eta horretarako etxefleroak botako dituzte, eta festa-kanpaiak entzuteko aukera izango da Arientzako kanpai-jole eskolakoen eskutik. Domekan, berriz, 12:30ean meza egingo da, luntxa izango da bertaratzen direnentzat,eta, 14:00etan, auzo-bazkaria egingo dute.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak