Txar muralista eta hiri-artista ezaguna da, eta haren lanak antzinako sobietar karteletan eta izaera industrialeko logotipo eta karteletan oinarritzen dira. Bere esanetan, honakoa adierazi nahi du Eskoriatzako horma-irudiak: "Sexu-aniztasunaren ideia irudikatu nahi dut, izateko eta sentitzeko askatasuna, eta oinarrizko informazio pixka bat sartzea, pentsatzeko modu desberdinen arteko bizikidetza lortzeko".
Prozesuaren nondik-norakoak
Artista bilbotarrak gaineratu duenez teknika mistoa erabiliko du lana gauzatzeko. "Pareta neurtu, zirkulu erdi marraztu, eta konposizioa egin dugu, karroza zintarekin pintura plastikoa mugatzeko. Gero beste hitz bat egingo dut goian eta spray-arekin begi batzuk jarriko ditut. Teknika mistoa izango da; prozesua zikina eta nekagarria da, baina emaitza indartsua izango delakoan nago. Gaztelaniaz edo euskaraz mezua urrundik deszifratzeko modukoa izateko, eta identifikatuta sentitzeko mundu guztia".