Zapatuan, San Pedro bezperan, Iruñeko Buztintxuri erraldoi eta kilikien konpartsakoak aritu ziren Eskoriatzako kaleetan zehar. Bero-zapa handiarengatik Santa Marina plazara joan ziren hasi bezain pronto; bertan, ur-lanbro sistema piztuta zegoela aprobetxatuz. Gero, Jose Arana kalean behera egin zuten, zaharren egoitzaraino, eta azkenik, Fernando Eskoriatza plazan ibilbidea amaitu zuten.
